anuncia del entamu de una de les fiestes parroquiales más emblematiques del centru de Asturies y más concretamente del conceyu de Oviedo.

Ciertu ye, que recibí la llamada de Joaquin pa exercer como pregoneru y prender el chupinazu de esta romería, con munchu asombru. Voi intentar tar a la altura, pol respetu y admiración que profeso pola Familia Ruiz, por esta romería, y más si quepe, pola Asociación Festivu-Cultural San Antoniu.

En xeneral, toes y toos a dia de guei, somos conscientes del trabayu que porta entamar una fiesta na parroquia... dellos diés coles sos nueches, pendientes del esfrute de vecinos y allegaos, ensin perder enerxía, cola gracia, col empaqe de una midia organización, y entá más, cola responsabilidá implícita de satisfaer a tol mundo cola programación. Un duru llabor que les comisiones normalmente encarien crudamente, y anque dellos xagaces soberanos o llinces de la política, nun lo valores ente les sos normes civiques, equí, trabayase pal pueblu ensín ánimu de arriquecimientu.

Ésti, conviértise igual nun añu reondu; la asociación vecinal ya lleva la friolera de 70 años puxando con enfotu pal caltenimientu de esta romería equí, na fadera del Naranco; dende 1948, diz nel auerdu de constitución, anque restolando, apaecen actes firmaes anteriores; concretamente de 1919. Lo que faria de esta comisión, pal añu que entra, polo pronto, centenaria.

Como participante de esta fiesta, que fui y que soi, quiciavis podría vindicar dende equí a los productores sidreros, que teníen que dase cuenta del amparu que les romeríes y mui en particular les que dexen espaciu pa la música asturiana, faen pola bébora el país... En esti prau, en una sola edición llegaron a bebese "con prudente responsabilida" 1046 caxes de sidra. Igual Fitoria, ente otres, merez una reconocencia de esti sector; lluéu que nun protesten los sidreros porque llevamos camisetes de festivales con publicidá de cerveces foriates...

Nos caberos años, dalgún más de venti, esta comisión, de 13 directivos anguañu, ta presidía por Joaquí; casi tantos años que yo lu conocí; casi tantos años como centímetros mide el chorizu del bollu que se reparte a los socios... Como el crecimiento sía proporcional, preparaivos a comer chorizu...

Juaquín, de aquella pastoriaba a una montonera xente, que vistios con traxe el país, ya dexaben el pabellón per altu peles casi de Lorient allá pel 1997.

Un añu más tarde, yo pisaba como romeru esta fiesta per primer vegada, a esfrutar de lo que diba ser el aniciu de un de los eventos más importantes pa los músicos y aficionáivos asturianos del circuito folk y tradicional: La Nueche Folk de Fitoria.

De aquella tengo el alcuerdu de un nenu, que en ocasiones poco más que paecía que me perseguía per Asturies, sobremanera ca vegada que Santi Caleya mercaba pa la banda gaites La Viga Travesá un timbal con mazes de malabar, o un tomtom...

Detrás, tenía a esi rapacín colos gueyos llantaos en toles torpeces que yo facía colos tambores, esi nenu, Arsenio, al igual que la nueche folk de Fiotira, espolletó. Él, medró como músicu, medró como persona, dafechu crecio... y creció más... fasta el puntu de algamar la almiración de munchos de los que mos dedicamos a esto de la música.

Ta claru que el talentu de José "El Xarreru" cuerre peles caleyes de Fitoria, dafechu na so memoria, esti añu, el percusionista nativu Sergio Garcia Pevida, de una gran familia de músicos de equí de la contorna, recueye esti reconocimiento de la asociación San Antonio.

De xuru que tará bien agradeciu al so pueblo.

La nueche folk, per igual, medró algamando el so llugar imprescindible na fiesta de Fitoria y Villamexil, convirtiéndose en un referente conociú internacionalmente, y calteniendo el so espaciu ente les inevitables verbenes, la arrozada, el concursu de tortilles, los festivales pa la reciella, amueses de cultura tradicional tan necesaries como la alborá, la diana floriada, el repartu del bollu o el descensu folclórico col propiu grupu de baille de la parroquia, yá inciatives tan sorprendentes como el pigazu popular con vacenillu.

Nel conceyu nel que yo vivo, en Xixon, namai que hai daque apaecio a esto na parroquia de Granda; ye tamien una nueche celta que sobrevive ente les orquestes de radio formula y amás fecha en una de les poques carballeres guapes que a dures penes sobrevive ente los ocalitales... Yo soi conocedor del esfuerzu de la comisión, por sofitar una nueche folk dientro de la programación de verbenes. Equí, van venti años de la primera.

Na corporación Uvieina, debieren tar bien arguyosu de tener en conceyu esta fiesta, aque solo seya por ser una de les mas lonxeves y numeroses en participación.

Cellebrai, vosotres y vosotros, comei y bebei co responsabilida, rei-i, baillar, conversal, quereivos y amaivos con llibertá, vosotres y vosotros, disfrutai de la folixa col respetu que toes y toos merecemos.

Ésta nun ye una folixa cualesquier; Ésta ye una bona folixa asturiana.

 

¡¡¡PUXA FITORIA Y VILLAMEXIL!!!

¡¡¡PUXA ASTURIES!!!